Алтай албатыҥ улу уулы, сӱӱген бичиичибис, ӱлгерчибис Лазарь Васильевич Кокышевтиҥ кереезиниҥ ачылтазы тӧрӧл Шабалин аймагында, Шабалин јуртта, ӧдӱп калды! Эмди Алтайыстыҥ бастыра толуктарыныҥ улузы кереестиҥ јанына барып, поэтти эске алып, поэтле кожо келер ӧйди шӱӱп, ӱлгерлерин кычырып, санааларын сананып турар аргалу!
Ишти бӱдӱрген јиит скульптор-јурукчыга, јайалталу јерлежиске Арчын Бадановко, идея-амадуны башкарган кижиге — Александр Поликарпович Манзыровко, јӧмӧгӧн ончо улуска, Шабалин аймактыҥ јурт јеезезиниҥ јаанына Мерген Чичкановко алкыш-быйанысты јетиредис!
