Тулаан ай куучын-эрмегиле бай ай болгоны чын. Јилбилӱ туштажу Поэзияныҥ кӱнинде Кан-Чарас Алтайдыҥ Экинур јуртында Ј.Б. Каинчинниҥ адыла адалган библиотекада ӧткӧн.
Јуулган улуска, кычыраачыларга бойыныҥ ӱлгерлерин Мӧндӱр-Соккон јурттыҥ ӱлгерчизи Аржан Такысов кычырган, кожоҥчы Ия Ишмина кожоҥдорын сыйлаган. Јастыҥ тыныжы јайылган бу кӱнде ӧткӧн туштажуны јурттыҥ библиотеказыныҥ башкараачызы Светлана Николаевна Айдарова тӧзӧп ӧткӱргенин темдектеер керек. Келер ӧйдӧ алтай јурттарыста Сӧскӧ, Поэзияга, Кӱӱге учурлалган мындый кӱрее-куучындар кӧп ӧткӱрилзе, тилис јаранар, алтай литератураныҥ ӧзӱмине јаан алтамдар эдилер
