Россияныҥ бичиичилер Бирлигиниҥ турчызы Павел Кедечинов Михаил Лермонтовтыҥ ӱлгерлерин кӧчӱрген «Јок, мен Байрон эмес, мен ӧскӧ…» — деп адалган јуунты бу ла јуукта кепке базылды. Улу орус поэттиҥ ӱлгерлери эмди алтай тилле айдылып, угулды деп айдарга јараар. Павел Александрович бичиктиҥ кире сӧзинде: «Лермонтовтыҥ лириказы меге јаантайын јараган» — деп темдектейт. Алтай кычыраачыларга сӱрекей јилбилӱ болоры алаҥзу јок, айдарда алтай ӱлгерчини бӱдӱрген ижи учун изӱ уткыйдыс! Кӧчӱреечиниҥ ижи јеҥил эмес, аначада ла поэзияны кӧчӱрери тегин болбогон деп билерис.
